17-nji iýunda Türkmenistanyň we Täjigistanyň wekilleri söwda-ykdysady we ylmy-tehniki  hyzmatdaşlyga bagyşlanan  10-njy türkmen-täjik  hökümetara toparynyň   maslahatyna taýýarlyk görmäge bagyşlanan  wideokonferensiýa geçirdiler.

Wideokonferensiýada Türkmenistana toparyň türkmen böleginiň  başlygy, maliýe we ykdysadyýet  ministri Muhammetgeldi Serdarow, täjik tarapyna energetika we suw serişdeleri ministri Juma Daler Şofakir  ýolbaşçylyk etdi.

Energetika ulgamynda, oba we suw hojalygynda, transportda we aragatnaşykda  söwda-ykdysady  hyzmatdaşlygyň häzirki ýagdaýy we geljekki ösüşleri, şeýle-de  iki döwletiň  Söwda-senagat palatasy derejesinde bilelikdäki taslamalary amala aşyrmak wideokonferensiýanyň esasy mowzugy  boldy.

Söwda-ykdysady we ylmy-tehniki hyzmatdaşlyk boýunça  türkmen-täjik hökümetara  toparyň 10-njy  maslahaty Duşanbede 28-29-njy iýul aralygynda geçiriler.