Türkmenistanyň
raýatynyň pasportyny resmileşdirmegiň we bermegiň tertibi, ondan peýdalanmagyň
kadalary, şeýle-de Türkmenistanyň raýatynyň pasportynyň nusgasy we ýazgysy
tassyklanyldy. Türkmenistanyň Prezident Serdar Berdimuhamedow 20-nji okýabrda
geçirilen Hökümet mejlisinde degişli Karara gol çekdi.
Habar berlişi ýaly,
öň berlen köne nusgadaky Türkmenistanyň raýatynyň pasporty, Türkmenistanyň
kanunçylygyna laýyklykda ony çalşyrmak üçin esas bolmadyk ýagdaýynda,
Türkmenistanyň raýatynyň pasportynyň täze nusgasyna çalşyrylmaga degişli
däldir.
Döwlet Baştutany
agzalan Karara «Migrasiýa hakynda» we «Türkmenistanyň içeri işler edaralary
hakynda» Türkmenistanyň Kanunlaryna hem-de «Türkmenistanda pasport ulgamynyň
işini kämilleşdirmek hakynda» Türkmenistanyň Prezidentiniň 2020-nji ýylyň 2-nji
sentýabrynda çykaran 720-nji Permanyna laýyklykda gol çekdi.
Içeri işler
ministrligine, Adalat ministrligi bilen bilelikde, şu Karardan gelip çykýan
üýtgetmeleri we goşmaçalary Türkmenistanyň kanunçylygyna girizmek baradaky
teklipleri bir aý möhletde taýýarlamak we Ministrler Kabinetine bermek
tabşyryldy.