23-nji
awgustda Türkmenistanyň Daşary işler ministrliginde türkmen-malaýziýa
DIM-leriniň arasynda onlaýn görnüşde geňeşmeler geçirildi. Bu barada Türkmenistanyň DIM-niň resmi web-saýtynda
habar berilýär.
Geňeşleriň
dowamynda iki ýurduň diplomatlary syýasy-diplomatik, söwda-ykdysady, energetika
we ynsanperwer ugurlarda köptaraplaýyn we ikitaraplaýyn hyzmatdaşlygyň köp
meselelerini ara alyp maslahatlaşdylar.
Abraýly
halkara guramalarynyň, ilkinji nobatda BMG-niň çäginde gatnaşyklary has hem
ösdürmek baradaky özara ymtylyş ýene-de bir gezek tassyklanyldy. Iň ýokary
derejedäki gatnaşyklaryň, şeýle hem iki ýurduň Daşary işler ministrlikleriniň
arasynda yzygiderli geňeşmeleriň gatnaşyklaryň ösdürilmeginde möhüm görkeziji
bolup durýandygy nygtaldy.
Gazanylan
ylalaşyklary durmuşa geçirmek maksady bilen, taraplar ikitaraplaýyn gün
tertibiniň möhüm meselelerini jikme-jik ara alyp maslahatlaşdylar. Iki ýurduň
arasynda ykdysady, ylmy we tehniki hyzmatdaşlyk üçin bilelikdäki Hökümetara
toparyň döredilmeginiň zerurlygy nygtaldy. Şeýle hem taraplaryň maglumat we
aragatnaşyk tehnologiýalary hem-de ykdysadyýeti sanlylaşdyrmak pudagynda
hyzmatdaşlygy ýola goýmak mümkinçiliklerine seredilip geçildi.
Türkmen-malaýziýa
gatnaşyklarynda ynsanperwerlik ugry möhüm orny eýeleýändigi bellenildi. Bu
babatda taraplaryň syýahatçylyk, ylym-bilim we medeniýet, şeýle hem
saglygy goraýyş ulgamynda netijeli hyzmatdaşlygy işjeňleşdirmek üçin baý
tejribesi we uly mümkinçiligi bardygyny nygtaldy.
Iki ýurduň
döwlet we hususy gurluşlarynyň wekilleriniň arasyndaky gyzyklanmalaryň ähli
ugurlarynda Türkmenistan bilen Malaýziýanyň arasyndaky ikitaraplaýyn
gatnaşyklaryň pugtalandyrylmagyna we giňelmegine goşant goşýan bilelikdäki
çäreleri geçirmek üçin gyzyklanma bildirildi.