Arkadag şäherinde Türkmenistanyň Prezidentiniň ýanyndaky Arkadag şäheriniň gurluşygy boýunça komitetiň başlygy we Arkadag şäheriniň häkiminiň gatnaşmagynda German ykdysadyýetiniň Gündogar komitetiniň Baş direktory Mihael Harms bilen duşuşyk geçirildi. Bu barada Halkara habarlar merkezi habar berdi.

Onuň dowamynda iki ýurduň arasyndaky köpugurly gatnaşyklaryň häzirki ýagdaýy we hyzmatdaşlygy ösdürmegiň geljekki ugurlary ara alnyp maslahatlaşyldy.

Duşyşygyň dowamynda türkmen halkynyň Milli Lideriniň yhlasyndan binýat bolan täze şäheriň ikinji tapgyrynyň gurluşygy we onda gurulmagy meýilleşdirilýän önümçilik desgalarynyň taslamalary boýunça gyzyklanma bildirilýän pikir alyşmalar boldy. 

Gepleşikleriň barşynda nemes Germaniýa tarapynyň wekilleri öňdebaryjy tehnologiýalar ugurda özüniň toplan tejribesini, täzeçil ylmy we önümçilik işläp taýýarlamalaryny hödürlemäge taýýardygyny aýtdylar.

Duşuşykdan soňra German ykdysadyýetiniň Gündogar komitetiniň baş sekretary Arkadag şäheri bilen tanyşdy.