2023-nji ýylyň 25-nji ýanwarynda Türkmenistanyň Maliýe we ykdysadyýet ministrliginiň guramagynda döwlet eýeçiligindäki emläkleri satmak boýunça elektron auksion geçiriler. Onda 30-dan gowrak desgalar satuwa çykarylar. 

Söwdalar Türkmenistanyň döwlet eýeçiligindäki emläkleri satmak üçin döredilen www.e.fineconomic.gov.tm atly sanly meýdançada we onuň ykjam telefon üçin niýetlenen goşundysynda alnyp barlar. Auksion ýerli wagt hasabynda sagat 10-00-da başlanar.  

Satuwa hödürlenilýän döwlet eýeçiligindäki emläkleriň doly sanawy hem-de auksiona gatnaşmagyň şertleri hakynda giňişleýin maglumatlar «Нейтральный Туркменистан» gazetiniň soňky sahypasynda ýerleşdirilýär. 

Türkmenistanyň Maliýe we ykdysadyýet ministrliginiň salgysy: Aşgabat, Arçabil şaýoly, 156.