Aziýanyň Ösüş banky Türkmenistanyň Rysgal we Senagat paýdarlar täjirçilik banklarynda maliýe hasabatlarynyň Halkara talaplarynyň maliýe gurallarynyň 9-synyň peýdalanylyşy boýunça tehniki kömegiň tamamlanandygy hakynda hasabatyny çap etdi. 

Taslamanyň bahasy 225 müň dollara deň boldy. Bu serişdeleriň agramly bölegi, 190 müň dollardan gowragy bellenilen maksatlar üçin sarp edildi. Serişdeleriň galan bölegi koronowirus ýokanjynyň ýaýramagy sebäpli harçlanman galdy. 

AÖB-niň taslamasynyň üstünlikli durmuşa geçirilmegi Türkmenistanyň banklarynyň karz bermeler sebäpli ýetip biljek zelelleriň öwezini dolmak üçin ätiýaçlyklary döretmek tejribesiniň gowulanmagyna hem-de banklaryň mümkingadar ýitgilere durnuklylygyny ýokarlandyrmaga ýardam eder.