2022-nji ýylyň 17-nji dekabrynda Türkmenistanda ilatyň we ýaşaýyş jaýlarynyň uçdantutma ýazuwyna badalga berildi. Bu köpçülikleýin çäre 10 günläp dowam edip, 27-nji dekabrda tamamlanar.

Ilat ýazuwyny öýme-öý, jaýma-jaý ýerine ýetirjek hünärmenler üçin ýörite  okuwlar guraldy. Olar raýatlardan ýaşy, doglan ýeri we wagty, maşgala ýagdaýy,  bilim derejesi, meşgullanýan käri, ýaşaýyş şertleri we ş.m maglumatlary toplarlar. 

 Bir sowalnama resminamasynyň doldurylmagy üçin 20-30 minut sarp edilýär.

Ilat ýazuwyny ýerine ýetirijiler ýörite maksatnamalar ornaşdyrylan planşetler bilen üpjün ediler. Sowal-jogap esasynda toplanan maglumatlar Statistika baradaky döwlet komitetiniň  goruna tabşyrylar.