Türkmenistanyň «Rysgal» paýdarlar täjirçilik banky «Rysgal» bank kartlarynyň islendik görnüşinden peýdalanýan raýatlara indi bu kartlar arkaly «Aşgabat şäher telefon ulgamy» ÝGPJ-niň hyzmatlary üçin edaranyň resmi saýtynda ýa-da degişli ykjam goşundysynda töleg geçirmek mümkinçiliginiň ýola goýlandygyny ýatladýar.

AŞTU-nyň ykjam goşundysy Android we iOS operasion ulgamly smartfonlar üçin Google Play hem-de AppStore internet dükanlarynda ýükläp almak üçin elýeterlidir.

«Rysgal» PTB-niň karty arkaly tölegleri AŞTU-nyň saýtynyň «Şahsy otag» bölümçesinde ýa-da adybir ykjam goşundyda geçirip bolýar.

Mundan ozal AŞTU-nyň hyzmatlarynyň töleglerini diňe «Altyn Asyr» bank kartlaryndan peýdalanýan raýatlar onlaýn geçirip bilýärdiler.