Türkmenistanyň paýtagtynda 25-nji maýda şäheriň 141 ýyllygy baýram bellenildi. «Şäheriň güni» mynasybetli «Ak şäherim — Aşgabat» atly XXI köp ugurly halkara sergi öz işine başlady. Şeýle hem Saparmyrat Türkmenbaşy adyndaky Baş drama teatrynda «Türkmen teatr sungaty» festiwalynyň jemleri jemlenilip, onuň ýeňijileri sylaglanyldy. 

Şäheriň güni ýurdumyzyň mekdep uçurymlarynyň «Soňky jaň» dabarasyna gabat geldi. Uçurymlaryň mekdebi tamamlamagy we durmuş ýoluna gadam basmagy mynasybetli Türkmenistanyň Prezidenti Gurbanguly Berdimuhamedow gutlady.