Däp bolşy ýaly geçirilen Türkmenistanyň Senagatçylar we telekeçiler Birleşmesiniň sergisinde we maslahatynda “Ýylyň öňde baryjy işewüri” atly bäsleşigiň jemi jemlendi.
Dabaraly ýagdaýda TSTB-iň ýolbaşçysy ýeňijilere Hormat hatlaryny, ýadygärlik nyşanlary, şeýle-de bahar gül çemenlerini gowşurdy.
Türkmenistanyň Senagatçylar we telekeçiler partiýasy tarapyndan ýylda gurnalýan bäsleşige gatnaşyjylaryň düzümi we ugurlarynyň ähmiýetli sanawy, türkmen hususy işewürliginiň ählitaraplaýyn ösüş derejesini şöhlelendirýär.
Hünär taýdan gözden geçirilişe jemi 100 sany dalaşgär gatnaşdy, olardan 42 sanysy 11 ugur boýunça ýeňiji bolmagy başardylar. Şol bir wagtda, birnäçe ugurlar boýunça bir oruna iki ýeňiji seçildi.
“Ýylyň öňde baryjy işewüri” atly gözden geçirilişe öz işini öňe sürmekde uly netijeleri gazanan, başgalara görelde bolup, olary ruhlandyrýan, iş orunlarynyň döredilmegine, täze gazananlary ornaşdyrmaga öz goşandyny goşan işewürler gatnaşýarlar. Ugurlaryň biri ýerli telekeçiligi ösdürmekde zenan-liderleriň ornyny şöhlelendirýär we dalaşgärleriň arasynda zenanlaryň sany gürrüňsiz artýar.