Geçen hepdede Türkmenistanyň döwlet haryt-çig mal biržasynda 9 geleşik hasaba alyndy. Olaryň umumy bahasy ABŞ-nyň 15 million 937 müň dollaryna deň boldy.

Beýik Britaniýanyň we Birleşen Arap Emirlikleriniň telekeçileri daşary ýurt puluna Türkmenbaşydaky Nebiti gaýtadan işleýän zawodlar toplumynda öndürilýän eredilen mazudy satyn aldylar. 

Şeýle hem daşary ýurt puluna dürli nusgadaky awtoulaglar, aýna listleri, pagta ýüplügi, oba hojalyk önümleri ýerlenildi. Olary satyn almak boýunça Beýik Britaniýanyň, BAE-niň, Türkiýäniň we Owganystanyň işewürleri bilen geleşik baglaşyldy.

Milli manat serişdelerine Birleşen Arap Emirlikleriniň täjirleri umumy bahasy 1 million 800 müň manatlyk pagta ýüplügini satyn aldylar.