Paýtagtymyzyň demirgazyk künjeginde ýerleşýän we milli binagärlik ýörelgeleriniň özboluşly nusgasyna öwrülen «Garagum» myhmanhanasynyň golaýynda ýurdumyzyň Senagatçylar we telekeçiler birleşmesine degişli durmuş maksatly binalaryň birbada birnäçesi açyldy.

Munuň özi ýurdumyzyň hususyýetçileriniň milli ykdysadyýetimiziň sazlaşykly ösüşine we halkymyzyň durmuş derejesiniň gowulanmagyna mynasyp goşant goşýandygynyň nobatdaky beýanyna öwrüldi.