Ministrler Kabinetiniň mejlisiniň barşynda Türkmenistanyň maliýe we ykdysadyýet ministri M.Serdarow 2021-nji ýylyň ýanwar – iýun aýlary boýunça ýurdumyzyň ykdysady görkezijileriniň ösüşi barada habar berdi.

Şu ýylyň 1-nji iýulyna çenli döwürde ýurdumyzyň döwlet býujetiniň girdeji bölegi 119,1 %-e, çykdajy bölegi bolsa 97,3%-e deň boldy. Ýerli býujetiň girdeji bölegi 102,4%, çykdajy bölegi hem 97,8% ýerine ýetirildi.

Ýarym ýylyň dowamynda 93 sebit boýunça sazlaýjy toparyň 107 mejlisi geçirildi. Şeýle hem hasabat döwründe döwlet emläginiň 70 obýekti hususylaşdyryldy.

2021-nji ýylyň 1-nji iýunynda milli ykdysadyýetiň ösüşine maýa goýumlaryň möçberleriniň gatnaşygy 15,9%-e deň boldy. Şu ýylyň maýa goýum maksatnamasy geçen ýylyň degişli döwri bilen deňeşdirilende 28% ýerine ýetirildi. Maýa goýumlaryň aglaba bölegi gurluşyk önümçiligine we durmuş-medeni obýektlere gönükdirildi.