Türkmenistanly telekeçiler Merkezi Aziýa ýurtlarynyň
Duşenbedäki sergisinde milli önümleriň köp görnüşini hödürlediler. Sergi 16-njy sentýabrda dowam eder. Bu barada
“Türkmenistan: Altyn asyr” neşiri habar berdi.
Türkmenistan
pawiliony ýangyç we energetika, dokma we himiýa senagaty, gurluşyk we
elektronika pudaklaryndan önümleri görkezýär. Meşhur türkmen halylary sergide
aýratyn orun eýeledi.
Mundan
başga-da, Türkmenistanyň sergisiniň aýratyn bölümi ulag-logistika potensialyna
bagyşlanýar. Bu ýerde Türkmenbaşynyň Halkara deňiz portunyň nusgasy
görkezilýär. Häzirki zaman infrastrukturasy sebitleýin we kontinental masştabda
multimodal ýük daşamak üçin giň mümkinçilikleri üpjün edýär.
Wideo
şekiller bolsa ýurdumyzyň ykdysadyýetiň ähli pudaklarynda gazanan üstünlikleri
we daşary ýurtly hyzmatdaşlar bilen öndürijilikli we uzak möhletleýin
hyzmatdaşlygyň bar bolan potensialy barada aýdyň düşünje almaga mümkinçilik berýär.