Özbegistanyň wekiliýeti iş
sapary bilen Türkmenistanda bolýar. Wekiliýete ýurduň Samarkant welaýatynyň
häkiminiň orunbasary Nozir Ibragimow ýolbaşçylyk edýär.
Wekiliýetiň düzüminde
Özbegistanda iň uly metal önümlerini öndüriji bolan «Asia Metal Prof» kärhanasynyň
wekilleri hem bar diýip, Türkmenistanyň Söwda-senagat edarasynyň metbugat
gullugy tarapyndan habar berilýär.
Dostlukly
ýurduň wekiliýetiniň sapary gurluşyk materiallaryny öndürmekde we satmakda
mundan beýläkki hyzmatdaşlygy giňeltmek meselelerini ara alyp maslahatlaşmak
ýaly maksatlary öz içine alýar. Şunuň bilen baglylykda, saparyň çäklerinde
wekiliýet material öndürmek, gurluşyk, ulag we logistika bilen meşgullanýan
türkmen kärhanalarynyň wekilleri bilen duşuşdy.
Duşuşykda
taraplar özara bähbitli hyzmatdaşlyk barada gepleşikleri geçirdiler.
Özbegistanly myhmanlar awtoulaglara hyzmat etmek boýunça ýöriteleşen «Şanly
Bedew» hususy kärhanasynyň önümçilik ýerine hem baryp gördüler.