Türkmenistanyň kanunçylygyna laýyklykda, Saýlawlary we sala salşyklary geçirmek boýunça merkezi topar dalaşgär hökmünde Senagatçylar we telekeçiler birleşmesinden “Wepaly gurluşyk” hojalyk jemgyýetiniň ýolbaşçysy Babamyrat Meredowy, şeýle-de Ahal we Mary welaýatlarynyň raýatlarynyň teklipçiler toparlarynyň hödürlemeginde Ahal welaýatynyň Babadaýhan etrabynyň Arassaçylyk we keselleriň ýaýramagyna garşy göreşmek gullugynyň başlygy Maksatmyrat Öwezgeldiýewi hem-de Türkmenistanyň döwlet energetika institutynyň “Gaýtadan dikeldilýän energiýa çeşmeleri” ylmy-önümçilik merkeziniň direktory Kakageldi Saryýewi bellige aldy.

Mundan ozal hem bu ugurda Türkmenistanyň Prezidenti wezipesine dalaşgär hökmünde wise-premýer Serdar Berdimuhamedow (Türkmenistanyň Demokratik partiýasyndan), Mary welaýatynyň häkiminiň orunbasary Agajan Berdimyradow (Agrar partiýadan), Lebap welaýatynyň raýatlarynyň teklipçiler toparynyň hödürlemeginde Lebap welaýatynyň maliýe-ykdysady orta hünär okuw mekdebiniň direktory Perhat Begenjow hem-de Balkan welaýatynyň raýatlarynyň teklipçiler toparynyň teklip etmeginde Türkmenistanyň Saglygy goraýyş we derman senagaty ministrliginiň “Awaza” şypahanasynyň baş lukmany, Türkmenistanyň Milli Geňeşiniň deputaty Berdimämmet Gurbanow dagy bellige alnypdy.