Hepdäniň anna güni geçirilen Ministrler Kabinetiniň nobatdaky mejlisinde wise-premýer Serdar Berdimuhamedow Döwlet daşary ykdysady iş banky bilen Aziýa ösüş bankynyň arasynda özara ylalaşyk boýunça Ähtnama baglaşmak hakynda teklip bilen çykyş etdi. Bu resminama Aziýa ösüş bankyna ýurdumyzyň kiçi we orta telekeçiligine degişli bolan taslamalary maliýeleşdirmäge şert döreder. Şunda esasy üns eksport ugurly taslamalary durmuşa geçirmäge gönükdiriler. 

Prezident Gurbanguly Berdimuhamedow teklibi makullap, eksport ugurly önümçilik bilen bagly kiçi we orta telekeçiligi goldamak boýunça işleri dowam etmegi nygtady. Şeýle hem döwlet Baştutanymyz Ministrler Kabinetiniň Başlygynyň orunbasary Ç.Gylyjowa ýerli önümler bilen içerki bazaryň üpjün edilişi we telekeçiligiň kadalaşdyrylyşy bilen bagly birnäçe tabşyryklary berdi.