Türkmenistanyň Prezidenti Gurbanguly Berdimuhamedow ýurdumyzyň Durnuklaşdyryjy Gaznasyndan serişdeleri bermegiň tertipnamasyny tassyklamak hakynda Karara gol çekdi. 

Türkmenistanyň Durnuklaşdyryjy Gaznasynyň serişdeleri milli ykdysadyýetiň dürli pudaklarynyň maliýe ýagdaýyny gowulandyrmak, önümçiligi maliýeleşdirmek, maýa goýum taslamalaryny durmuşa geçirmek we ýurduň durmuş-ykdysady ösüşini üpjün etmek  maksady bilen bölünip berler.

Türkmenistanyň maliýe we ykdysadyýet ministrligine Türkmenistanyň Merkezi banky we Adalat ministrligi bilen bilelikde bir aýyň dowamynda bu ugra degişli kanunçylyk namalaryna üýtgetmeleri girizmek bilen bagly teklipleri taýýarlap,  Ministrler Kabinetiniň garamagyna hödürlemek tabşyryldy.