Strategik ugurlar 

“Rysgal” PTB-nyň ösüşiniň mümkinçilikleri mundan buýana hem köp halatda ýurtdaky kapitalyň dowam edýän toplanma prosesleri, giňeldilen üznüksiz önümçilik, maliýe we alyjylar bazarynyň gerimleriniň ösüşi boýunça kesgitleniler, olar ortaça möhletdäki mümkinçilik boýunça iň tiz ösýänleriň we özüne çekijileriň biri bolup galar.    

Döwletiň ösüş, önümçilik maksatnamalaryny durmuşa geçirmek proseslerine gatnaşmaklygy, şeýle hem, Bankyň maliýe maksatlary geljekde global wezipeleri çözmäge we ykdysadyýetde esasy orny eýelemäge ukyply, ykdysadyýetiň häzirkizaman we giň gerimli subýektiniň emele gelmegi we netijeli işlemegi üçin üç birlikden durýan wezipä biriger. “Rysgal” PTB-nyň ösüşiniň mümkinçilikleriniň bu görnüşine esaslanyp, onuň işiniň has ähmiýetli taraplary şulara gönükdiriler: 

• Bankyň maliýe görkezijileriniň depginli ösüşini üpjün etjek balans düzüminiň emele getirilmegi; 
• aktiw amallaryň girdejiliginiň artdyrylmagy we ssuda portfeliniň hiliniň gowulanmagy; 
• amallar bilen bagly prosesleri dolandyrmagyň düzüminiň kämilleşdirilmegi;
• Bankyň ygtybarlylygynyň we durnuklylygynyň üpjün edilmegi üçin töwekgelçilikleriň dolandyrylyşynyň ulgamlaşdyrylmagy;     
• hödürlenilýän hyzmatlaryň we önümleriň geljekde has ýokary innowasion derejede ösmegi.    

Bu wezipeleriň toplumlaýyn çözgüdi teklip edilýän başlangyçlardan iň ýokary sinergetik netijäni almaklyga ýol berer. Bank elmydama strategik wezipeleriň durmuşa geçirilmegi üçin zerur bolan serişdelere baha berilmegini amala aşyrar. Onuň üçin faktor we ssenariý derňewi ulanylar, bu bolsa Bankyň ösüşiniň maksatlaýyn parametrlerini modelirlemäge we sazlamaga ýol berer, dünýäniň makroykdysady görkezijileriniň we içerki bazar ýagdaýynyň üýtgeýän şertlerinde ösüş prosesiniň hemmetaraplaýyn gözegçilik ulgamyny döreder.  

Bankyň strategik wezipeleri onuň potensialynyň ösüşine hem-de içerki bazaryň we halkara maliýe ulgamynyň berýän  seýrek mümkinçilikleriniň durmuşa geçirilmegine gönükdirilendir. Strategik wezipeleriň durmuşa geçirilmegi – diňe bir öz işgärleri däl, eýsem bütin ýurdy buýsandyryp biljek häzirkizaman institutyny döretmäge ýol berer. Ykdysadyýetiň depginli ösýän we ygtybarly subýekti bolup galmagy bilen Bank özüniň ösüşindäki indiki ädimi ätmegi hem-de täze, döwrebap we gülläp ösýän Türkmenistanda iň gowularyň biri bolmagy maksat edinýär.